Ispaniya superkubogi finalida «Real» va «Atletiko» klublari to‘qnash kelishdi. 120 daqiqa davom etgan o‘yinda hisob ochilmadi, g‘olib nomi penaltilar seriyasida aniqlandi.

Jamoalar katta tavakkal qilib, oldinga tashlanishmadi, asosan ehtiyotkor o‘yin qilishdi. Shunga qaramay, kam sonli bo‘lsa-da darvozani ishg‘ol qilish uchun vaziyatlar yuzaga keldi.

O‘yin boshida Ramosning qo‘pol xatosidan keyin Jaou Feliks "Real"ni kechirgan bo‘lsa, ikkinchi bo‘lim o‘rtasida Valverde 3-4 metrdan darvozani ishg‘ol qila olmadi. Bahsning 80-daqiqasida esa Morata yakkama-yakka vaziyatda Kurtua ni dog‘da qoldira olmadi.

Uchrashuvning 115-daqiqasida esa  Federiko Valverde maydondan chetlatildi. U darvozabon bilan yakkama-yakka vaziyatga chiqib borayotgan Moratani ortdan tepib yiqitdi.

Penaltilar seriyasida esa omad Zidan jamoasiga kulib boqdi — 4:1.

Shu tariqa, "Real" Ispaniya superkubogini qo‘lga kiritdi.

Ispaniya superkubogi, final
REAL MADRID – ATLETIKO - 0:0
Penaltilar seriyasi — 4:1
Karvaxal (1:0) — Saul (1:0, ustun)
Rodrigo (2:0) — Parti (2:0, darvozabon)
Luka Modrich (3:0) — Tripyer (3:1)
Serxio Ramos (4:1).
Real Madrid – Kurtua, Karvaxal, Ramos, Mendi, Varan, Isko (Rodrigo, 60), Kroos (Vinisius Junior, 103), Kazemiro, Valverde, Modrich, Yovich (Mariano Dias, 83).
Atletiko – Oblak, Ximenes (Savich, 98), Trippyer, Felipe, Lodi (Lyorente, 89), Errera (Vitolo, 56), Saul, Korrea, Tomas, Joau Feliks (Aryas, 101), Morata.
Ogohlantirishlar: Felipe (27), Tomas (74), Mendi (90), Modrich (90), Valverde (111), Korrea (115), Karvaxal (115), Savich (115).
Chetlatish: Valverde (115).