Myunxenning «Bavariya» klubi sport direktor Xasan Salixamidjich Timo Verner transferi borasida «Real» klubi bilan kurash olib bormasligini aytib o‘tdi.
«Verner ajoyib hujumchi sanaladi va uning qayd etayotgan natijalari so‘zlarimni tasdiqlaydi. Mavsumning birinchi yarmida Timo ajoyib o‘yin namoyish etdi. Lekin unutmang, tarkibimizda Robert Levandovski bor ekan, bizga hech kim kerak emas.
Bu hujumchi bizning o‘yin uslubimizga to‘g‘ri kelmaydi. Leva maydonda yuzaga kelgan har qanday vaziyatdan chiqish yo‘lini topish uchun mahoratga ega, hatto u raqib qurshovida bo‘lsa ham», — dedi Xasan Salixamidjich.