“Tottenxem” klubining sobiq bosh murabbiyi Kataloniyaning “Barselona” klubi yangi bosh murabbiyi Kike Setyen haqida fikr bildirdi.

Shuningdek, Maurisio Pochettino “Barselona” klubidan taklif tushganini tan oldi.

«Barsa» Yevropaning va shu bilan birga Dunyoning eng kuchli klublaridan biri sanaladi. Albatta, barcha Kike Setyendan klubning falsafasini kuchaytirishni kutadi.

Tan olish kerak, Ernesto Valverde “Barselona”da katta ishlarni amalga oshirdi, ayniqsa Primereda. Yangi bosh murabbiyga ushbu yo‘ldan yurish qiyin kechadi. Lekin u uchun xursandman. Bundan buyuk klubni boshqarish – ko‘plab murabbiylarning orzusi hisoblanadi», — dedi Maurisio Pochettino.

Qayd etish kerakki, argentinalik mutaxassis «Espanyol» klubi bilan bog‘liq tarix sababli, «Barsa» klubidan tushgan taklifga rad javob bergandi.