Angliyaning «Manchester Yunayted» klubi sobiq himoyachisi Rio Ferdinand jamoaning «Byornli» klubiga qarshi (0:2) uchrashuvdagi mag‘lubiyatidan so‘ng, transfer bozoridagi harakatlarini keskin tanqid qildi.
«Men «Manchester Yunayted»ning eng sodiq muxlisi bo‘lganman va shunday qolaman. Lekin tan olish kerak, Yevrokuboklarda «PSJ» klubiga qarshi o‘yindagi g‘alabadan keyin jamoa qiyin ahvolga tushib qoldi. Hech qanday yechim yo‘q. Klubga barcha muammolarni mustaqil hal qiladigan odam kerak.
Ba’zida men “MYU”ning tarkibiga nazar solaman va ayrim odamlarning bu yerda qanday qilib paydo bo‘lib qolganiga hayron qolaman. Transferlar uchun 600 million funtga yaqin pul sarf qilindi, lekin mavsumda eng yaxshi futbolchilari – klub tarbiyalanuvchilari bo‘lmoqda.
Transfer bozorida klub tizimiga mos keladigan futbolchilarni xarid qilish borasida “MYU” «Liverpul»dan o‘rnak olishi kerak», — dedi Rio Ferdinand.
