Avstraliya va O‘zbekiston terma jamoalarining uchrashuvidan so‘ng g‘olib jamoa bosh murabbiyi Graxam Arnold ham matubot-anjumanida ishtirok etib, o‘z fikrlari bilan o‘rtoqlashdi.

“Bu ajoyib natija biz uchun. Yarim finaldan keyin biz o‘zimizga kela oldik va yakunda yaxshi natija ko‘rsatdik. O‘zbekiston juda ham yaxshi jamoa. Ularning o‘yinidan keyin futbolchilarim ikkinchi bo‘limda ancha toliqib qoldi. Tashqaridan yo‘llanma olishimiz oson ko‘ringandir. Ammo bu juda ham qiyin bo‘lganini aytib o‘tishim kerak. O‘yingacha shogirdlarimga mazkur bahsga tayyorgarlik ko‘rish davomida o‘zingizga ishoning, degan fikrni singdirishga harakat qildim. Yakunda biz buni uddalay oldik va Tokio Olimpiadasiga yo‘llanma oldik. Bundan xursandman”, – dedi Graxam Arnold.