Angliya kubogining 4-bosqichi doirasida «Chelsi» safarda «Xall Siti» klubi mehmoni bo‘lib, g‘alabani qo‘lga kiritdi.

Uchrashuvning 6-daqiqasidayoq Mishi Batshuayi hisobni ochishga muvaffaq bo‘ldi. Ikkinchi bo‘lim o‘rtalarida esa Fikayo Tomori "Xall" darvozasiga jamoasining ikkinchi to‘pini yo‘lladi. O‘yin tugashiga 12 daqiqa qolganida mezbonlar bitta javob golini urishdi.

Shu tariqa, Lempard jamoasi bitta o‘yinning o‘zida keyingi bosqich masalasini hal qildi.

Angliya kubogi, 4-bosqich
Xall – Chelsi 1:2 (0:1, 1:1)
Gollar: 0:1 – 6 Batshuayi, 0:2 – 64 Tomori, 1:2 – 78 Grosiski.
Xall – Long, Tafazolli, Berk, Makkenzi, Lixay, Xanimen (Samuelsen, 69), Leonardu, Uilks (Grosiski, 60), Keyn, Bouen, Ivz (Madjennis, 69).
Chelsi – Kabalyero, Aspilikueta, Alonso, Zuma, Tomori, Barkli, Kovachich, Xadson-Odoi (Gilmur, 68), Maunt (Villian, 68), Pedro (Lempti, 90), Batshuayi.
Ogohlantirishlar: Kovachich (46), Lixay (63), Zuma (90).