APL tarixidagi eng qariya futbolchi “Manchester Siti” safida to‘p surgan Jon Barrij (43 yosh) bo‘lsa, Bundesliga tarixidagi eng yoshi katta futbolchi Klaus Fixtel ham u bilan tengdosh. “La Liga” bu borada yetakchi. “Real Sosyedad”da Xari Lou o‘zining so‘nggi uchrashuvini o‘tkazganida 48 yoshda edi. Italiyada 44 yoshli “Lasio” darvozaboni Marko Ballotta o‘ziga hos rekord o‘rnatishga muvaffaq bo‘lgan. Kuchli beshlik jamoalari uchun eng yuqori cho‘qqi 48 yoshni tashkil etsada, jahon futbolida bundanda qariya futbolchilar bo‘lgan. Ular bilan tanishishning ayni payti!
Isaak Hayk, Isroil, 73 yosh
Albatta, bu isroillik futbol menenjerlaridan chiqqan fikr. Ular shu yo‘sinda dunyoda o‘ziga hos rekord o‘rnatishga qaror qildishi. Bu yoshda professional tarzda to‘p surishning iloji yo‘q. Shunday bo‘lsada, yahudiylar 5-dviziondagi “Ironi” klubi o‘z safiga 73 yoshli darvozabonni qo‘shib olganini butun matbuotda ovoza qilishdi. Qo‘shimchasiga, reklamadan yaxshigina pul ham ishlab olishdi. Isaak yangi jamaosda atigi bir bor ko‘rinish berdi va o‘yin tugashiga 10 daqiqa qolganda maydonga tushib o‘z darvozasidan 5 ta gol olib chiqdi. Omadsiz debyut uning mashxurligiga soya solmadi, biroq…
Iz Eldin Bahder, Misr, 74 yosh
Misr va Isriol o‘rtasidagi o‘zaro advot sababli Isaakning qahramonligi uzoq vaqt ovoza bo‘lgani yo‘q. Piramidalar yurti vakillari o‘zlarining siyosiy raqiblaridan futboldagi rekordni tortib olish uchun Misr chempionatining 3-dvizionidagi “6-oktyabr” jamoasiga 74 yoshli otaxonni taklif qilishdi. Eng qizig‘i shundaki, mirsliklar 1973-yilning 6 oktyabr sanasida Isroil qo‘shinlari bilan dengizda to‘qnash kelishadi. Aynan o‘sha kun munosabati bilan tashkil etilgan klub Isroilning rekordini tortib oldi. Sharq juda nozik masalalarni ham ko‘zdan qochirmaydi!
Pedro Riberiyu Lima, Braziliya, 69 yosh
Braziliyadagi mashxur ishbilarmonlardan biri seu Pedro 1948-yilda tavallud topgan bo‘lib, 1992-yilda o‘zining “Perelima” (PEdru RIbeyru LIMA). jamoasiga asos solgan. Asli nonvoy bo‘lgan klub egasi boshchiligidagi jamoa bir necha bor Parayba shtati birinchiliklarida munosib ishtirok etadi. Eng qizig‘i shundaki, Pedro o‘zining ilk golini 59 yoshda kiritishni uddalagan. Qanchalar g‘alati tuyulmasin, klub muxlislari qalin mo‘ylovli qariyani maydonga tushishini olqishlar bilan kutib olishgan. U o‘zini so‘nggi bor 2017-yilda jamoa futbolchilar ro‘yxatiga qo‘shgan edi. Hozircha jimlik. Yana kim biladi deysiz?
Stenli Metyuz, Angliya, 55 yosh
50 yoshdan so‘ng, faqat ermak uchun maydonda to‘p surishgan deganlar adashadi. “Oltin to‘p” sovrining ilk egasi sanalmush afsonaviy ingliz futbolchisi Stenli so‘zimizga yaqqol isbot bo‘la oladi. Angliyaning pastroq ligalaridan birida 50 yoshda butsalarini mixga ilgan qahramonimiz ayoli bilan Maltaga ko‘chib ketadi. Eng qizig‘I shundaki, qariya Stenli ko‘p o‘tmay mahaliy “Xibernains” klubida ko‘rinish beribgina qolmay, ichki musobaqalardan birida g‘olib chiqishni ham uddalaydi. O‘zining so‘nggi mavsumida “Real Madrid”ga qarshi kubok egalari kubogi musobaqasida maydonga tushgan afsona ko‘p o‘tmay so‘nggi bor butsalarini mixga ilganini rasman ma’lum qiladi.
Kadzuyesi Miura, Yaponiya 52
Yaponiyalik uzoq umr ko‘ruvchilar avlodi vakilli Miura Mbappe va Trend tavallud topganida endigina 30 yoshga to‘lgan futbolchi edi. Ayni damda 52 ni qoralagan tinib-tinchimas yapon ikki hafta ilgari “Yokagama” bilan shartnomani yana bir yilga uzaytirdi va hali futboldan ketmoqchi emasligini ma’lum qildi. Uning faoliyati davomida “Genoa”, “Palmeyras”, “Santos” singari ajoyib klublar bo‘lgan. Bundan tashqari, qahramonimiz 1992-yilda o‘tkazilgan Osiyo birinchiligida ham g‘olib chiqqan.
