Ispaniyalik himoyachi Pablo Mari Londonning «Arsenal» jamoasiga o‘ta olmaydigan bo‘ldi.
ESPN Brazil nashrining tarqatgan ma’lumotiga qaraganda, 26 yoshli futbolchi o‘tgan shanba kuni tibbiy ko‘rikdan o‘tish va shartnoma tuzish uchun London shahriga yetib kelgandi.
Biroq, «Flamengo» noma’lum sabablarga ko‘ra, ispaniyalik futbolchining oldindan kelishib qo‘ygan transfer shartlarini rad etdi va futbolchining braziliyaga qaytishini so‘radi. Mari «Arsenal» klubi uchun tibbiy ko‘rikdan o‘tib bo‘lgandi.
Pablo Mari «Flamengo» tarkibiga 2019 yilda «Deportivo» klubidan o‘tgan edi. U jamoa tarkibida Braziliya chempioni va Libertadores Kubogi sohibiga aylangandi.