Испаниялик ҳимоячи Пабло Мари Лондоннинг «Арсенал» жамоасига ўта олмайдиган бўлди.
ESPN Brazil нашрининг тарқатган маълумотига қараганда, 26 ёшли футболчи ўтган шанба куни тиббий кўрикдан ўтиш ва шартнома тузиш учун Лондон шаҳрига етиб келганди.
Бироқ, «Фламенго» номаълум сабабларга кўра, испаниялик футболчининг олдиндан келишиб қўйган трансфер шартларини рад этди ва футболчининг бразилияга қайтишини сўради. Мари «Арсенал» клуби учун тиббий кўрикдан ўтиб бўлганди.
Пабло Мари «Фламенго» таркибига 2019 йилда «Депортиво» клубидан ўтган эди. У жамоа таркибида Бразилия чемпиони ва Либертадорес Кубоги соҳибига айланганди.