Huquqiy jihatdan Madridning “Real” klubiga tegishli bo‘lgan, ayni paytda Londonning “Arsenal” klubida ijara asosida to‘p surayotgan Dani Sebalyos «ko‘pshapalaklar» tarkibiga o‘ta olmaydi.

Marca nashrining tarqatagan ma’lumotiga qaraganda, «Real» o‘z futbolchisini raqibiga bermoqchi emas va 23 yoshli futbolchini ijaraga «Valensiya»ga bermaydi.

Sebalyos «Arsenal»ga Mikel Arteta bosh murabbiy bo‘lib kelganidan keyin asosiy tarkibdagi joyini yo‘qotib qo‘ydi. Shu sababli, futbolchi «Real» rahbariyatidan ijara shartnomasini bekor qilib, o‘ziga boshqa jamoa topib berishlarini so‘radi.

Qayd etilishicha, unga «Valensiya» klubi xaridor bo‘lgan.

Hozirda aytilishicha, Ispaniyaning «Betis» klubi Sebalyosni o‘z safida ko‘rish niyatida.