Ҳуқуқий жиҳатдан Мадриднинг “Реал” клубига тегишли бўлган, айни пайтда Лондоннинг “Арсенал” клубида ижара асосида тўп сураётган Дани Себальос «кўпшапалаклар» таркибига ўта олмайди.

Marca нашрининг тарқатаган маълумотига қараганда, «Реал» ўз футболчисини рақибига бермоқчи эмас ва 23 ёшли футболчини ижарага «Валенсия»га бермайди.

Себальос «Арсенал»га Микель Артета бош мураббий бўлиб келганидан кейин асосий таркибдаги жойини йўқотиб қўйди. Шу сабабли, футболчи «Реал» раҳбариятидан ижара шартномасини бекор қилиб, ўзига бошқа жамоа топиб беришларини сўради.

Қайд этилишича, унга «Валенсия» клуби харидор бўлган.

Ҳозирда айтилишича, Испаниянинг «Бетис» клуби Себальосни ўз сафида кўриш ниятида.