Myunxenning «Bavariya» klubi bosh direktori Karl-Xayns Rummenigge nima uchun Florentino Peres zamonaviy futbolning tuzilmasini o‘zgartirishni xohlayotganini aytib o‘tdi.
«Florentino Peresning muammosini bilaman – bu Angliya Premyer-Ligasi. Peres dunyoning yulduz futbolchilaridan tashkil topgan va moliviya tomondan baquvvat bo‘lgan klubga prezidentlik qiladi. Uning yagona muammosi shuki, APL klublari La Liga klublariga qaraganda translyasiya sotish huquqidan 3 barovar ko‘p daromad ishlaydi. Inglizlar samarali istisodiyot modelini yaratishga muvaffaq bo‘lishdi.
U biror narsani o‘zgartirishga urinishda davom etishiga ishonaman, ammo bu hozircha imkonsiz. Ayniqsa, YECHL formatini yoki Yevropaning top klublariing alohida chempionatini tashkil qilish haqida gap ketayotgan bo‘lsa, bu imkonsiz narsalardir. Boshqa yechimlarni izlash kerak, ammo men ularni ko‘rmayapman», — dedi Rummenigge.
