Мюнхеннинг «Бавария» клуби бош директори Карл-Хайнц Румменигге нима учун Флорентино Перес замонавий футболнинг тузилмасини ўзгартиришни хоҳлаётганини айтиб ўтди.
«Флорентино Переснинг муаммосини биламан – бу Англия Премьер-Лигаси. Перес дунёнинг юлдуз футболчиларидан ташкил топган ва моливия томондан бақувват бўлган клубга президентлик қилади. Унинг ягона муаммоси шуки, АПЛ клублари Ла Лига клубларига қараганда трансляция сотиш ҳуқуқидан 3 баровар кўп даромад ишлайди. Инглизлар самарали истисодиёт моделини яратишга муваффақ бўлишди.
У бирор нарсани ўзгартиришга уринишда давом этишига ишонаман, аммо бу ҳозирча имконсиз. Айниқса, ЕЧЛ форматини ёки Европанинг топ клублариинг алоҳида чемпионатини ташкил қилиш ҳақида гап кетаётган бўлса, бу имконсиз нарсалардир. Бошқа ечимларни излаш керак, аммо мен уларни кўрмаяпман», — деди Румменигге.