Urugvaylik hujumchi Eddison Kavani “Atletiko” klubi bilan shartnoma imzolash uchun Madrid shahriga yetib keldi. Lekin, bir qator muammolar yuzaga keldi.

Marca nashrining tarqatgan ma’lumotiga qaraganda, 32 yoshli Kavani shartnoma shartlari borasida yuzaga kelgan kelishmovchiliklar sababli, "matraschilar" safiga o‘tishi xavf ostida turibdi.

“PSJ”va“Atletiko” klublari hujumchining transferini 18 million yevroga kelishib olganlaridan keyin, Kavani o‘z vakili bilan Madrid shahriga uchib ketgandi.

Edinson “Atletiko” klubi futbolchisiga aylanmoqchi, biroq, madridliklar rahbariyati hujumchi bilan uchrashuv chog‘ida unga bildirgan takliflari hujumchini qoniqtirmadi.

“Atletiko” rahbariyati yozda Kavanining shartnomasi yakuniga yetganidan keyin o‘z safiga qo‘shib olish variantiga qaytishga qarshi emas. Biroq, Diyego Simeone rahbariyatdan hujumchini qishki transfer bozorida sotib olishni talab qilmoqda.

Hozir “Atletiko” va hujumchi o‘rtasida muzokaralar davom etmoqda. Kavani allaqachon “PSJ” futbolchilari bilan xayrlashishga ulgurdi.