Уругвайлик ҳужумчи Эддисон Кавани “Атлетико” клуби билан шартнома имзолаш учун Мадрид шаҳрига етиб келди. Лекин, бир қатор муаммолар юзага келди.
Marca нашрининг тарқатган маълумотига қараганда, 32 ёшли Кавани шартнома шартлари борасида юзага келган келишмовчиликлар сабабли, "матрасчилар" сафига ўтиши хавф остида турибди.
“ПСЖ”ва“Атлетико” клублари ҳужумчининг трансферини 18 миллион еврога келишиб олганларидан кейин, Кавани ўз вакили билан Мадрид шаҳрига учиб кетганди.
Эдинсон “Атлетико” клуби футболчисига айланмоқчи, бироқ, мадридликлар раҳбарияти ҳужумчи билан учрашув чоғида унга билдирган таклифлари ҳужумчини қониқтирмади.
“Атлетико” раҳбарияти ёзда Каванининг шартномаси якунига етганидан кейин ўз сафига қўшиб олиш вариантига қайтишга қарши эмас. Бироқ, Диего Симеоне раҳбариятдан ҳужумчини қишки трансфер бозорида сотиб олишни талаб қилмоқда.
Ҳозир “Атлетико” ва ҳужумчи ўртасида музокаралар давом этмоқда. Кавани аллақачон “ПСЖ” футболчилари билан хайрлашишга улгурди.