Madridning “Real” va Portugaliya terma jamoasi sobiq himoyachisi Fabiu Koentrau Alkoshete akademiyasiga qilingan hujum yuzasidan ko‘rib chiqilayotgan sudda so‘zga chiqdi.
Sudda so‘zga chiqqan 31 yoshli futbolchiga hozirgi sohasi haqida qasam ichishini so‘rashdi va futbolchi bunga javoban: "Men nafaqaga chiqqan futbolchiman" dedi.
Radio Renascenca radiosining tarqatgan ma’lumotiga qaraganda, Expresso nashri muxbirlari Koentrau bilan bu gapga aniqlik kiritib olish maqsadida unga savol yo‘llashdi. Futbolchi esa "Albatta, men nafaqada emasman" dedi.
Manbaning aytishiga qaraganda, Fabiu Koentrau sudda yolg‘on ko‘rsatma bergani uchun uch yilgacha qamoq jazosiga hukm qilinishi mumkin.
Avvalroq, Koentrauning agentiga A Seriyaning “Fiorentina” va “Bolonya” klublari aloqaga chiqishgandi. Ayni paytda futbolchi erkin agent sifatida yuribdi.













