Мадриднинг “Реал” ва Португалия терма жамоаси собиқ ҳимоячиси Фабиу Коэнтрау Алкошете академиясига қилинган ҳужум юзасидан кўриб чиқилаётган судда сўзга чиқди.
Судда сўзга чиққан 31 ёшли футболчига ҳозирги соҳаси ҳақида қасам ичишини сўрашди ва футболчи бунга жавобан: "Мен нафақага чиққан футболчиман" деди.
Radio Renascenca радиосининг тарқатган маълумотига қараганда, Expresso нашри мухбирлари Коэнтрау билан бу гапга аниқлик киритиб олиш мақсадида унга савол йўллашди. Футболчи эса "Албатта, мен нафақада эмасман" деди.
Манбанинг айтишига қараганда, Фабиу Коэнтрау судда ёлғон кўрсатма бергани учун уч йилгача қамоқ жазосига ҳукм қилиниши мумкин.
Аввалроқ, Коэнтраунинг агентига А Сериянинг “Фиорентина” ва “Болонья” клублари алоқага чиқишганди. Айни пайтда футболчи эркин агент сифатида юрибди.
