«Yuventus» hujumchisi Krishtianu Ronalduning Instagramdagi obunachilari soni 200 milliondan oshgani haqida ma’lumot tarqatilgan edi. Ammo tadqiqotlar aniqlashicha, ularning to‘rtdan biri soxta obunachilar hisoblanadi.

HypeAuditor xizmati aniqlashicha, Ronaldu obunachilarining faqat 72,8 foizi faqat tirik insonlar. Qolgani esa shubhali akkauntlar va botlar hisoblanadi. Ulardan 6,4 foizi ommaviy-foloverlar bo‘lib, ular avtomatik ravishda obunachiga aylanish vositasidan foydalanishadi.

Shu tariqa, Ronalduning Instagramdagi sahifasida 50,2 millionta soxta obunachi mavjud.

Tadqiqotga ko‘ra, Krishtianu obunachilarining 49 foizi sportga qiziqadi. 72% obunachilar — erkaklar, 28% — ayollar. Futbol muxlislarining aksariyati — Hindistondan.

2019 yilning noyabr oyida tarqatilgan xabarga ko‘ra, Ronalduning Instagramdagi sahifasiga bitta reklama joylashtirish narxi — 780 ming funt sterling.