Angliyaning «Lester» klubi bosh murabbiyi Brendan Rodjers «Chelsi» klubiga qarshi (2:2) bo‘lib o‘tgan uchrashuvdan keyingi fikrlari bilan o‘rtoqlashdi.
«Qayd etilgan natijadan qoniqmadik, sababi, bugun g‘alaba qozonishni juda xohlagan edik. O‘ylashimcha, har ikki bo‘limning boshida juda sekin harakat qildik. Ikkinchi golni kiritganimizdan keyin g‘alaba qozonishimiz shart edi. Raqibga ikki gol sovg‘a qilishimiz kerak emasdi. Bugun «Lester» e’tiborsizlik hisobiga ikki ochko yo‘qotdi.
Ba’zilar top klublarga qarshi uchrashuvdagi durang natijani yaxshi deb atashadi. Lekin bugungi uchrashuvda biz ko‘prog‘iga loyiq edik. Bizning yosh jamoamiz ko‘p narsalarni o‘rganishda davom etmoqda. Vaqt o‘tishi bilan biz albatta o‘sishga erishamiz», — dedi Brendan Rodjers.
