Londonning «Tottenxem» klubi yarim himoyachisi Dele Alli o‘zining sport formasi haqida fikr bildirdi.
— Men trenajer zalda ko‘p ishlayapman, men avvalgi formamga qaytish bilan kifoyalanmay, yanada yuqori pog‘onaga ko‘tarilishga harakat qilyapman. Hozir o‘zimni juda yaxshi his qilyapman. Barqaror o‘sishni boshladim. Agar yomon o‘yin namoyish etadigan bo‘lsam, har doim xatolar ustidan ishlashga harakat qilaman. Do‘stlarimdan so‘rashingiz mumkin, men har doim vaziyatni to‘g‘rilash harakatida bo‘laman. Men eng yaxshi formamni namoyish eta olmayotganimni bilaman. Men buni yashiradigan odamlardan emasman, - dedi Alli Sky Sports portaligan bergan intervyusida.