Fransiyaning “PSJ” klubi futbolchisi Anxel Di Mariya jamoadoshi Kilian Mbappe va jamoa bosh murabbiyi Tomas Tuxellar o‘rtasidagi yuzaga kelgan kelishmovchilik haqida fikr bildirdi.
“PSJ” klub 5:0 hisobida g‘alaba qozongan uchrashuvning 68-daqiqasida Tomas Tuxel Kilian Mbappeni zahiraga olib, uning o‘rniga Mauro Ikardini maydonga tushirdi. Fransiyalik hujumchiga esa bu almashtirish yoqmadi va bosh murabbiyga ochiqchasiga norozilik bildirdi.
«Maydonni tark etishni hech kim xohlamaydi. Bu normal holat. Kilian gol urishni xohlaydi, lekin bosh murabbiy uni almashtirishni ma’qul ko‘rdi. Mbappe o‘ynashni va gol kiritishni xohlaydigan yagona futbolchi emasligini tushunib olishi kerak. U o‘zining hatti-harakatlari haqida o‘ylashi kerak. Uning bu harakatlari jamoaga salbiy ta’sir ko‘rsatadi», — dedi Anxel.
