Франциянинг “ПСЖ” клуби футболчиси Анхель Ди Мария жамоадоши Килиан Мбаппе ва жамоа бош мураббийи Томас Тухеллар ўртасидаги юзага келган келишмовчилик ҳақида фикр билдирди.
“ПСЖ” клуб 5:0 ҳисобида ғалаба қозонган учрашувнинг 68-дақиқасида Томас Тухель Килиан Мбаппени заҳирага олиб, унинг ўрнига Мауро Икардини майдонга туширди. Франциялик ҳужумчига эса бу алмаштириш ёқмади ва бош мураббийга очиқчасига норозилик билдирди.
«Майдонни тарк этишни ҳеч ким хоҳламайди. Бу нормал ҳолат. Килиан гол уришни хоҳлайди, лекин бош мураббий уни алмаштиришни маъқул кўрди. Мбаппе ўйнашни ва гол киритишни хоҳлайдиган ягона футболчи эмаслигини тушуниб олиши керак. У ўзининг ҳатти-ҳаракатлари ҳақида ўйлаши керак. Унинг бу ҳаракатлари жамоага салбий таъсир кўрсатади», — деди Анхель.
