“Paxtakor” yangi mavsum oldidan oxirgi nazorat bellashuvini “Qizilqum”ga qarshi o‘tkazdi.
Bahsda Dragan Cheran va Igor Sergeev kichik jarohati borligi sababli ishtirok etishmadi. O‘yinda tashabbusga ega bo‘lgan jamoamiz ko‘plab golli vaziyatlarni yuzaga keltirdi. Jumladan, birinchi bo‘limda Derdiyokning uch urinishidan keyin to‘p darvoza yonidan o‘tib ketdi. Gol ham aynan Eren ishtirokidagi hujumdan so‘ng urildi. Uning to‘xtatib bergan to‘pini Hamdamov 20 metrlardan kuchli zarba bilan darvozaga aniq yo‘lladi.
Ikkinchi bo‘limda ham "sherlar"da oradagi farqni oshirish uchun bir necha qulay imkoniyatlar yuzaga keldi, biroq ulardan foydalanishda xatolarga yo‘l qo‘yildi.
Eslatib o‘tamiz, 10 fevral kuni “Paxtakor” Chempionlar ligasida BAAning “Shabab Al Ahli” jamoasini qabul qiladi. Bellashuv soat 16:00da “Paxtakor” stadionida boshlanadi.
“PAXTAKOR” – “QIZILQUM” – 1:0 (1:0)
"Paxtakor": Suyunov, Salimov, A’zamov (Eshmurodov, 77), Krimes (Anzur Ismoilov, 77), Sayfiyev (Kozak, 77), Hamrobekov, Sobirxo‘jayev (Iminov, 67), Hamdamov, Mahmudhojiyev, Masharipov (Sobirjonov, 77), Derdiyok (Abror Ismoilov, 67).
Gol: Hamdamov 24.