«Barselona» hujumchisi Lionel Messi jarohati borligiga qaramay, o‘yinlarda ishtirok etib kelmoqda.

32 yoshli futbolchi bir necha haftadan buyon oyog‘ining son qismida og‘riq his qilmoqda. Ammo jamoa hujum chizig‘i kuchsizlanib qolgani tufayli argentinalik futbolchi o‘yinlarda ishtirok etishga majbur bo‘lmoqda.

ESPN tarqatgan xabarga ko‘ra, «Barselona» shifokorlari Messining keyingi sog‘ligidan xavotir olishmayapti, ammo jarohatni diqqat bilan kuzatib borish talab etiladi.

Ma’lumotlarga qaraganda, Kike Setyen bosh murabbiy etib tayinlanganidan keyin mashg‘ulotlarda yuz bergan o‘zgarish Lionelga salbiy ta’sir ko‘rsatgan.

Messi La liganing ushbu mavsumida 17ta o‘yinda maydonga tushib, 14ta gol urdi va 8ta golga uzatma berdi.