Ispaniya kubogining chorak final bosqichi doirasida ikkinchi o‘yin ham bo‘lib o‘tdi. Segunda vakili «Mirandes» sensasiya ko‘rsatishda davom etmoqda.

Jamoa o‘z maydonida La liganing ushbu mavsumida 7-o‘rinda borayotgan «Vilyarreal»ni qabul qilib, ishonchli g‘alabani qo‘lga kiritdi.

«Mirandes» raqib darvozasini 4 marta ishg‘ol qilishga muvaffaq bo‘lgan bo‘lsa, "sariq suvosti kemasi" atigi 2 marta javob qaytardi.

Shu tariqa, nimchorak finalda "Sevilya"ni mag‘lub etgan «Mirandes» klubi, bu safar «Vilyarreal»ni Kubokdan chiqarib yubordi hamda yarim finalga yo‘l oldi.

Ispaniya kubogi, chorak final
Mirandes – Vilyarreal 4:2 (2:1, 2:1)
Gollar: 1:0 – 17 Mateus Ayyas, 1:1 – 32 Ontiveros, 2:1 – 45, penalti Merkelans, 2:2 – 56, penalti Kasorla, 3:2 – 58 Onayndia, 4:2 – 90 Sanches.
Mirandes – Limones, Onayndia, Gonsales, Serxio Gonsales, Penya (Guridi, 67), Rey, Malsa, Sanches, Merkelans, Mateus Ayyas (Markos de Souza, 79), Enrik Frankesa (Kixera, 85).
Vilyarreal – Fernandes, Shakla (Penya, 46), Mario Gaspar, Kintilya, Funes Mori, Iborra, Kasorla, Zambo-Angissa (Moyses Gomes, 71), Chukvueze (Pako Alkaser, 65), Ontiveros, Jerar Moreno.
Ogohlantirishlar: Iborra (34), Shakla (38), Mario Gaspar (52), Chukvueze (64), Kasorla (78), Merkelans (90).