Italiya chempionatining 17-turidan o‘rin olgan qoldirilgan o‘yin bo‘lib o‘tdi. «Lasio» o‘z maydonida «Verona»ni qabul qilib, durangga imzo chekdi.

Rimliklar butun o‘yin davomida ko‘plab hujumlar tashkil qilib, raqib darvozasini ishg‘ol eta olishmadi. Birgina Luis Albertoning o‘zi raqib darvozasi ustunini 2 marta nishonga olgan bo‘lsa, uning ikkita xavfli zarbasini posbon qaytardi.

"Lasio" kecha g‘alaba qozonganida o‘z ochkolarini 52taga yetkazib, 2-o‘ringa ko‘tarilgan va "Yuventus" bilan farqni 2 ochkoga yetkazgan bo‘lardi. Ammo Simone Idzagi shogirdlari bu imkoniyatdan foydalana olishmadi.

Italiya A seriyasi, 17-tur
Lasio – Verona 0:0 (0:0, 0:0)
Lasio – Strakosha, Radu, Acherbi, Gabarron, Lassari (Marushich, 71), Luis Alberto, Milinkovich-Savich, Lulich (Xoni Rodriges, 71), Leyva, Kaysedo (Parolo, 84), Immobile.
Verona – Silvestri, Rraxmani, Kumbula, Gyunter, Faraoni, Dzakkani, Lazovich, Verre (Esserik, 70), Pessina, Borini (Davidovich, 89), Velozu.
Ogohlantirishlar: Kumbula (23), Milinkovich-Savich (29), Xoni Rodriges (77), Radu (80), Rraxmani (86).