Италия чемпионатининг 17-туридан ўрин олган қолдирилган ўйин бўлиб ўтди. «Лацио» ўз майдонида «Верона»ни қабул қилиб, дурангга имзо чекди.

Римликлар бутун ўйин давомида кўплаб ҳужумлар ташкил қилиб, рақиб дарвозасини ишғол эта олишмади. Биргина Луис Альбертонинг ўзи рақиб дарвозаси устунини 2 марта нишонга олган бўлса, унинг иккита хавфли зарбасини посбон қайтарди.

"Лацио" кеча ғалаба қозонганида ўз очколарини 52тага етказиб, 2-ўринга кўтарилган ва "Ювентус" билан фарқни 2 очкога етказган бўларди. Аммо Симоне Идзаги шогирдлари бу имкониятдан фойдалана олишмади.

Италия А серияси, 17-тур
Лацио – Верона 0:0 (0:0, 0:0)
Лацио – Стракоша, Раду, Ачерби, Габаррон, Лаццари (Марушич, 71), Луис Альберто, Милинкович-Савич, Лулич (Хони Родригес, 71), Лейва, Кайседо (Пароло, 84), Иммобиле.
Верона – Сильвестри, Ррахмани, Кумбула, Гюнтер, Фараони, Дзакканьи, Лазович, Верре (Эссерик, 70), Пессина, Борини (Давидович, 89), Велозу.
Огоҳлантиришлар: Кумбула (23), Милинкович-Савич (29), Хони Родригес (77), Раду (80), Ррахмани (86).