Ispaniyaning «Real Sosyedad» klubi bosh murabbiyi Imanol Alguasil Madridning «Real» klubini (4:3) mag‘lub etganidan xursand ekanligini yashirmadi.

- Madridga munosib o‘yin namoyish etish uchun tashrif buyurgandik. Muxlislarimiz bu g‘alabaga haqli edi. O‘zimizni qanday his qilayotganimizni tasavvur qiling, axir 32 yildan beri Ispaniya Kubogi yarim finaliga chiqa olmayotgandik. «Real» klubini to‘liq tribunalar ko‘z o‘ngida mag‘lub etganimiz uchun o‘zimizdan faxrlanamiz. To‘g‘ri, biz ishonch bilan harakat qildik, lekin kimga qarshi maydonda to‘p surayotganimizni bilardik. Ular o‘yin tizginini butunlay o‘zgartirib yuborishlari mumkin edi. Hakam final hushtagini chalguncha, ular bilan har qanday natija qayd etilayotgan bo‘lsa ham oxirigacha o‘ynash kerak. Finalga chiqishga harakat qilamiz, - dedi Alguasil Marca nashriga.