Madridning «Real» klubi bosh murabbiyi Zinedin Zidan Garet Beylning o‘yinlariga baho berdi.
«Beyl – biz uchun muhim futbolchi. So‘nggi uchrashuvlarda maydonga tushmaganiga qaramasdan, u bugun hujumda va himoyada yaxshi o‘yin o‘tkazdi. U harakat qilmoqda. Muammo shundki, hamma bizning Garet bilan muammolarimiz bo‘lishini istashadi, lekin unday muammolar bizda bo‘lmaydi.
Jamoamizda yaxshi futbolchilar juda ko‘p, barchaga vaqt ajratish oson emas. Lekin, u haqiqatdan ham yaxshi futbolchi va bosqichma bosqich o‘z saviyasiga chiqib bormoqda. U jismoniy tarafdan olib qaraganda o‘yinga tayyor emas, shu bois uni almashtirishga qaror qildim. Ammo unga ishonch bildirishda davom etamiz», - Zidanning so‘zlaridan iqtibos keltirmoqda Marca.
