Мадриднинг «Реал» клуби бош мураббийи Зинедин Зидан Гарет Бэйлнинг ўйинларига баҳо берди.

«Бэйл – биз учун муҳим футболчи. Сўнгги учрашувларда майдонга тушмаганига қарамасдан, у бугун ҳужумда ва ҳимояда яхши ўйин ўтказди. У ҳаракат қилмоқда. Муаммо шундки, ҳамма бизнинг Гарет билан муаммоларимиз бўлишини исташади, лекин ундай муаммолар бизда бўлмайди.

Жамоамизда яхши футболчилар жуда кўп, барчага вақт ажратиш осон эмас. Лекин, у ҳақиқатдан ҳам яхши футболчи ва босқичма босқич ўз савиясига чиқиб бормоқда. У жисмоний тарафдан олиб қараганда ўйинга тайёр эмас, шу боис уни алмаштиришга қарор қилдим. Аммо унга ишонч билдиришда давом этамиз», - Зиданнинг сўзларидан иқтибос келтирмоқда Marca.