Myunxenning “Bavariya” klubi darvozaboni Manuel Noyer jamoaga Aleksandr Nyubel kelganidan xavotirda emas.
Noyerning «Bavariya» klubi bilan tuzgan shartnomasi shu mavsumning oxirida o‘z yakuniga yetadi. Shu sababli, Noyer shu yilning yozida erkin agentga aylanadi.
«Bavariya» Manuelga munosib o‘rinbosar topdi va “Shalke” klubining 23 yoshli darvozaboni Aleksandr Nyubel bilan shartnoma imzoladi.
«Hozircha hech qanday ma’lumot yo‘q, lekin «Bavariya»ni tark etish niyatida emasman. Nyubel – ajoyib darvozabon, lekin men raqobatda imkoniyatni boy berib, asosiy tarkibdagi o‘rnimni yo‘qotish niyatida emasman. Mayli u ham harakat qilsin, lekin men ham bor kuchimni ishga solaman. O‘ylaymanki, mening tajribam «Bavariya»ga foyda beradi, — dedi Noyer.
