Мюнхеннинг “Бавария” клуби дарвозабони Мануэль Нойер жамоага Александр Нюбель келганидан хавотирда эмас.
Нойернинг «Бавария» клуби билан тузган шартномаси шу мавсумнинг охирида ўз якунига етади. Шу сабабли, Нойер шу йилнинг ёзида эркин агентга айланади.
«Бавария» Мануэлга муносиб ўринбосар топди ва “Шальке” клубининг 23 ёшли дарвозабони Александр Нюбел билан шартнома имзолади.
«Ҳозирча ҳеч қандай маълумот йўқ, лекин «Бавария»ни тарк этиш ниятида эмасман. Нюбель – ажойиб дарвозабон, лекин мен рақобатда имкониятни бой бериб, асосий таркибдаги ўрнимни йўқотиш ниятида эмасман. Майли у ҳам ҳаракат қилсин, лекин мен ҳам бор кучимни ишга соламан. Ўйлайманки, менинг тажрибам «Бавария»га фойда беради, — деди Нойер.
