“Milan derbisi”da “Inter” jamoasiga 2:4 hisobida imkoniyatni boy bergan “Milan” klubi bosh murabbiyi Stefano Pyoli futbolchilarining harakatidan jahli chiqdi.

"Birinchi bo‘limda o‘ylagan rejamiz amalga oshdi. Ehtimol, 2:0 hisobidan ham ko‘prog‘iga loyiq o‘yin ko‘rsatgandirmiz. Afsuski, biz ehtiyot bo‘lishimiz kerak bo‘lgan ikkita vaziyat butun o‘yinni o‘zgartirib yubordi", — dedi Pyoli Football Italia portaliga.

"Hisobni 3:3 ko‘rinishga olib kelish uchun Ibragimovichda imkoniyat bo‘lgandi, lekin biz hujumda juda chalg‘idik. “Inter” – tajribali jamoa, mana shunday katta o‘yinlarga ko‘proq odatlangan, shu bois ular 0:2 hisobida mag‘lubiyatga uchrashayotib, o‘yinga qaytishni uddasidan chiqa olishdi. Bizga bugun odam kulib boqmadi, raqib darvozaning ustuni ikki marta yo‘llagan zarbamizni qaytardi", — deya qo‘shimcha qildi Pyoli.