“Милан дербиси”да “Интер” жамоасига 2:4 ҳисобида имкониятни бой берган “Милан” клуби бош мураббийи Стефано Пьоли футболчиларининг ҳаракатидан жаҳли чиқди.

"Биринчи бўлимда ўйлаган режамиз амалга ошди. Эҳтимол, 2:0 ҳисобидан ҳам кўпроғига лойиқ ўйин кўрсатгандирмиз. Афсуски, биз эҳтиёт бўлишимиз керак бўлган иккита вазият бутун ўйинни ўзгартириб юборди", — деди Пьоли Football Italia порталига.

"Ҳисобни 3:3 кўринишга олиб келиш учун Ибрагимовичда имконият бўлганди, лекин биз ҳужумда жуда чалғидик. “Интер” – тажрибали жамоа, мана шундай катта ўйинларга кўпроқ одатланган, шу боис улар 0:2 ҳисобида мағлубиятга учрашаётиб, ўйинга қайтишни уддасидан чиқа олишди. Бизга бугун одам кулиб боқмади, рақиб дарвозанинг устуни икки марта йўллаган зарбамизни қайтарди", — дея қўшимча қилди Пьоли.