Kataloniyaning “Barselona”klubi braziliyalik yarim himoyachi Koutinyoni 80-90 million yevroga sotmoqchi.
Leverkuzenning “Bayer” klubi futbolchisi Kay Xavers yozgi tranfer bozorida “Liverpul”ning asosiy maqsadi bo‘lib turibdi. Agar “Liverpul” ushbu transferni amalga oshira olmasa, u holda Filippe Koutinyoni ortga qaytarishga harakat qilib ko‘radi deya xabar tarqatmoqda AS nashri.
27 yoshli Koutinyo “Liverpul” tarkibida 5 yil to‘p surdi va superyulduz darajasiga chiqdi. 2018 yilning qishida esa braziliyalik futbolchi 145 million yevro evaziga “Barselona”ga ko‘chib o‘tdi.
Biroq, Filippe “Kamp Nou”da ochilib keta olmadi va Myunxenning “Bavariya” klubiga ijaraga berib yuborildi. “Bavariya” Koutinyoni 120 million yevroga sotib olish huquqini o‘zida saqlab qolgan, biroq, germaniyaliklar bu imkoniyatdan foydalanish niyatida emas.
