Каталониянинг “Барселона”клуби бразилиялик ярим ҳимоячи Коутиньони 80-90 миллион еврога сотмоқчи.

Леверкузеннинг “Байер” клуби футболчиси Кай Хаверц ёзги транфер бозорида “Ливерпуль”нинг асосий мақсади бўлиб турибди. Агар “Ливерпуль” ушбу трансферни амалга ошира олмаса, у ҳолда Филиппе Коутиньони ортга қайтаришга ҳаракат қилиб кўради дея хабар тарқатмоқда AS нашри.

27 ёшли Коутиньо “Ливерпуль” таркибида 5 йил тўп сурди ва суперюлдуз даражасига чиқди. 2018 йилнинг қишида эса бразилиялик футболчи 145 миллион евро эвазига “Барселона”га кўчиб ўтди.

Бироқ, Филиппе “Камп Ноу”да очилиб кета олмади ва Мюнхеннинг “Бавария” клубига ижарага бериб юборилди. “Бавария” Коутиньони 120 миллион еврога сотиб олиш ҳуқуқини ўзида сақлаб қолган, бироқ, германияликлар бу имкониятдан фойдаланиш ниятида эмас.