Bugun viloyat hokimligida o‘tkazilgan kengaytirilgan yig‘ilishda Qashqadaryo viloyat hokimi Zoyir Mirzayev futbol klublarining faoliyatiga ham to‘xtalib o‘tdi.
– Nega Qashqadaryo futbolchilari boshqa viloyatda, boshqa viloyat futbolchilari Qashqadaryoda o‘ynashi kerak. Nima ish qilayapti futbol federasiyasi? Futbolda hamma joy tanish-bilishchilik. Hamma o‘yin stadion ichida emas, stadion orqasida bo‘layapti. Viloyatdagi 3 ta futbol klubining har bir xodimi bilan gaplashamiz, nazorat qilamiz, deb Zoyir Mirzayevning so‘zlarini keltiradi «Nasafnews» muxbiri.
Shuningdek, Zoyir Mirzayev futbolchilarni Qashqadaryoda tayyorlash kerakligi, boshqa mamlakatdan futbolchi sotib olinmasligini ta’kidlagan. Bu borada barcha futbol akademiyalari va sport maktablari faoliyatini jiddiy nazorat qilishini aytib o‘tgan.
