Бугун вилоят ҳокимлигида ўтказилган кенгайтирилган йиғилишда Қашқадарё вилоят ҳокими Зойир Мирзаев футбол клубларининг фаолиятига ҳам тўхталиб ўтди.
– Нега Қашқадарё футболчилари бошқа вилоятда, бошқа вилоят футболчилари Қашқадарёда ўйнаши керак. Нима иш қилаяпти футбол федерацияси? Футболда ҳамма жой таниш-билишчилик. Ҳамма ўйин стадион ичида эмас, стадион орқасида бўлаяпти. Вилоятдаги 3 та футбол клубининг ҳар бир ходими билан гаплашамиз, назорат қиламиз, деб Зойир Мирзаевнинг сўзларини келтиради «Nasafnews» мухбири.
Шунингдек, Зойир Мирзаев футболчиларни Қашқадарёда тайёрлаш кераклиги, бошқа мамлакатдан футболчи сотиб олинмаслигини таъкидлаган. Бу борада барча футбол академиялари ва спорт мактаблари фаолиятини жиддий назорат қилишини айтиб ўтган.
