Dortmundning “Borussiya” klubi yozgi transfer bozorida “Milan” hamda Italiya terma jamoasi darvozaboni Djanluidji Donnarummani sotib olishni rejalashtirmoqda.
Italiya OAVsining tarqatgan ma’lumotiga qaraganda, “Milan” klubining asosiy darvozaboni shu mavsum yakuniga yetganidan keyin boshqa jamoaga o‘tish ketish ehtimoli yuqori.
Ma’lumki, Djanluidji Donnarummaga Yevropaning bir qator yetakchi klublaridan takliflar bor.
Qayd etish kerakki, bugungi kunda Donnarummani sotib olish uchun Germaniyaning «Borussiya» klubi asosiy nomzod bo‘lib turibdi, chunki ayni paytda nemis klubi tajribali darvozabonning xizmatiga ehtiyoj sezmoqda.
