Rossiyaning «Zenit» klubi himoyachisi Branislav Ivanovich Rossiya Premyer-Ligasining ikkinchi davrasi haqidagi fikrlari bilan o‘rtoqlashdi.
«Katta tashabbusga egamiz, lekin oldimizda uzun yo‘l turibdi. Xotirjamlikka berilmasligimiz kerak, chunkimuvaffaqiyatsiz o‘yin namoyish etadigan bo‘lsak muammolar boshlanadi. Hammamiz yuz foiz tayyor bo‘lishimiz kerak.
YECHL guruh bosqichida to‘rtinchi o‘rinni qo‘lga kiritganimiz mavsumning birinchi davrasida yomon ishlaganimizdan dalolat beradi. Barchasi o‘zgacha bo‘lishi mumkin edi, biroq endi hech narsani o‘zgartiib bo‘lmaydi. Endi «Zenit» bor e’tiborini RPLga qaratadi. Bundan tashqari Rossiya Kubogida ham ishtirok etamiz. Ikki turnirda ham g‘olib chiqishni xohlaymiz, bu bizning asosiy maqsadimi», - Ivanovichning so‘zlaridan iqtibos keltirmoqda Marca nashri.
