"Loko" yoshlarining bu yilgi U-21 chempionatidagi o‘yinlari Dilshod Jo‘rayevich qo‘l ostida o‘tkaziladi. Futbol muxlislariga yaxshi ma’lum, Dilshod Nuraliyev faoliyati davomida bir qancha futbolchilarni tarbiyalab bergan.
Xususan uning qo‘l ostida O‘zbekiston U-16 terma jamoasi 2012 yil Eronda o‘tkazilgan Osiyo chempionatida oltin medallarni qo‘lga kiritgan. Shuningdek, 2013 yil BAAda tashkil etilgan U-17 jahon chempionatida chorak finalga qadar yetib borgan.
O‘ylaymizki, Nuraliyev qo‘l ostida to‘p tepadigan "Lokomotiv" tarbiyalanuvchilaridan kelajakda yaxshi futbolchilar yetishib chiqadi. Dilshod Jo‘rayevichga murabbiylar shtabida Rifat Akramxo‘jayev (murabbiy), Konstantin Kuznesov (murabbiy), Anvar Jabborov (darvozabonlar murabbiyi), Rustam Mehmonov (shifokor), Abdurahim Sarimsoqov (massajchi) hamda Bekzod Arslonov (administrator) yordam berishadi.
"Lokomotiv" U-21 jamoasiga yangi boshlanadigan mavsumda omad va zafarlar tilab qolamiz.
"Lokomotiv" PFK matbuot xizmati.
