Moskvaning SSKA klubi sobiq prezidenti Shaxrudi Dadaxanov 2000 yilgi Rossiya Kubogi finalidan oldinga ziddiyatli vaziyatni aytib berdi.
"Ehtimol, Levnikov bilan qo‘l berib ko‘rishmasman. Undan haliyam xafaman. Qaysi o‘yin uchun? 2000 yil, SSKA - "Lokomotiv", Rossiya Kubogi finali. “Lokomotiv” klubi prezidenti Valeriy Filatov bilan o‘yindan oldin uchrashuvni odilona boshqarishi uchun uchrashuv bosh hakami Levnikovga 5000 AQSH dollaridan berish borasida kelishib olgandik. U bo‘lsa... Uchrashuvning 12-daqiqasidayoq Maksim Bokovni maydondan chetlatdi! To‘g‘ri, o‘yin qoidasi buzilgan edi, lekin qizil kartochkaga tortadigan vaziyat emasdi. Levnikov sariq kartochka ko‘rsatsa bo‘ladigan vaziyat edi. U juda ko‘plab xatolarga yo‘l qo‘ydi. Biz o‘yindan keyin hakamga e’tirozimiz borligini o‘yin qaydnomasiga kiritgandik, hakamlar-eskpert komissiyasi bizning e’tirozimizni qabul qilgan va Levnikovni hakamlikdan chetlatgandi– deya xotirladi Dadaxanov.
2000 yilgi Rossiya Kubogi finalining asosiy taymlari 1:1 hisobida yakuniga yetgan, qo‘shimcha bo‘limlarda esa "Lokomotiv" 2:1 hisobida g‘alaba qozongan edi.