UFC olamidagi eng mashxur jangchi – Habib Nurmagamedovning otasi Abdulmanap Nurmagamedov Konor Makgregor borasidagi o‘z fikrlarini Match.tv uyushtirgan matbuot anjumanida bayon qildi. Unga ko‘ra, murabbiy Donald Serone va Konor Makgregor o‘rtasidagi jangni “kelishilgan”ligiga sha’ma qildi
Dana Uayt so‘nggi paytlarda Habib va Konorni yana oktagonda uchrashtirish borasida juda ko‘p gapiryapti va bunga harakat qilmoqda. Sezgan bo‘lsangiz, men bu jang haqidagi savollarga javob berishni ham istamayapman. Sababi, Konor biz uchun o‘tib bo‘lingan to‘siq. Undan boshqa narsa emas.
To‘g‘risi, Konor uzoqqa bormasligi aniq. Uning yulduzli onlari tugashiga juda oz fursat qolmoqda. UFCdagilar uni qo‘llab-quvvatlash uchun yangidan-yangi raqiblarni ro‘baro qilishgani sari, u zarba kuchidan yerga yiqilishda davom etaveradi. Biz irlandiyalik jangchini Habibning ishtirokisiz ham,boshqa shogirdimiz bilan “er tishlatishga” tayyormiz.
U endi avvalgi darajasiga chiqishning iloji yo‘qligini anglab yetmagan ko‘rinadi. Agar, uning “Kovboy” bilan to‘qnashuvini jangdeb hisoblasangiz, demak aralsh qoidalar bo‘yicha o‘tkaziladigan sport turlari borasida hech nimani tushunmas ekansiz.
