UFC оламидаги энг машхур жангчи – Ҳабиб Нурмагамедовнинг отаси Абдулманап Нурмагамедов Конор Макгрегор борасидаги ўз фикрларини Матч.тв уюштирган матбуот анжуманида баён қилди. Унга кўра, мураббий Доналд Сероне ва Конор Макгрегор ўртасидаги жангни “келишилган”лигига шаъма қилди

Дана Уайт сўнгги пайтларда Ҳабиб ва Конорни яна октагонда учраштириш борасида жуда кўп гапиряпти ва бунга ҳаракат қилмоқда. Сезган бўлсангиз, мен бу жанг ҳақидаги саволларга жавоб беришни ҳам истамаяпман. Сабаби, Конор биз учун ўтиб бўлинган тўсиқ. Ундан бошқа нарса эмас.

Тўғриси, Конор узоққа бормаслиги аниқ. Унинг юлдузли онлари тугашига жуда оз фурсат қолмоқда. UFCдагилар уни қўллаб-қувватлаш учун янгидан-янги рақибларни рўбаро қилишгани сари, у зарба кучидан ерга йиқилишда давом этаверади. Биз ирландиялик жангчини Ҳабибнинг иштирокисиз ҳам,бошқа шогирдимиз билан “ер тишлатишга” тайёрмиз.

У энди аввалги даражасига чиқишнинг иложи йўқлигини англаб етмаган кўринади. Агар, унинг “Ковбой” билан тўқнашувини жангдеб ҳисобласангиз, демак аралш қоидалар бўйича ўтказиладиган спорт турлари борасида ҳеч нимани тушунмас экансиз.