«Liverpul» Angliya chempionatining 26-turi doirasida «Norvich»ni mag‘lub etdi. Ushbu g‘alaba tufayli Yurgen Klopp jamoasi kelasi mavsumda Yevropa chempionlar ligasidagi o‘z ishtirokini ta’minlab qo‘ydi.
«Liverpul»ning ochkolari soni 76taga yetdi va jamoa 5-o‘rindan pastga tushib ketmasligi aniq bo‘ldi. Ikki yilga yevrokuboklardan chetlatilgan «Manchester Siti» UYEFAning qarorni bekorga qildira olmasa, APLdan 5-o‘rindagi jamoaga ham YECHL yo‘llanmasi taqdim etiladi.
«Man Siti», «Lester», «Chelsi» va «Tottenxem» klublari nazariy jihatdan mersisaydliklarga yetib olish uchun imkoniyatga ega.