«Arsenal» va «Manchester Yunayted» bilan ro‘y berayotgan voqealar bir haqiqatni oshkor qilmoqda. Arsen Venger va Aleks Fergyusson buyuk murabbiylar bo‘lishgan. Klublarni doim ma’lum darajada stabil ushlab turishgan. Rahbarlarni o‘z qarorlari to‘g‘riligiga ishontirishgan.

Vengerning oxirgi mavsumlarda muntazam 4-o‘rinni egallashi borasida minglab memlar bolalab ketgan edi. Qachongacha to‘rtinchi bo‘lamiz, deyishardi londonlik muxlislar. Mana endi 4-o‘rin «Arsenal» uchun orzu.

Venger ketishi xato bo‘lmagandir. Baribir klub oldinga qadam tashlashi kerak edi. Uning mavqeida shubha qilish xato bo‘lgan.

Hozir Mikel Arteta qancha urinmasin mavsumni yaxshi tugata olmaydi. Keyingi mavsumga baza yig‘ishi kerak. Uning imtixoni keyingi yil yakunida bo‘ladi.

«Arsenal» bugun turnir jadvalidagi bevosita raqobatchisi bilan o‘ynaydi. «Nyukasl» bilan ochkolar teng. To‘plar nisbati londonliklarda yaxshiroq. Ular kuchli o‘nlikka kirishni maqsad qilishgan, desam «Arsenal» muxlislari ranjimasin. Asli haqiqat ham shu.

Birga ko‘ramiz.

Davron Fayziyev.