«Арсенал» ва «Манчестер Юнайтед» билан рўй бераётган воқеалар бир ҳақиқатни ошкор қилмоқда. Арсен Венгер ва Алекс Фергюссон буюк мураббийлар бўлишган. Клубларни доим маълум даражада стабил ушлаб туришган. Раҳбарларни ўз қарорлари тўғрилигига ишонтиришган.
Венгернинг охирги мавсумларда мунтазам 4-ўринни эгаллаши борасида минглаб мемлар болалаб кетган эди. Қачонгача тўртинчи бўламиз, дейишарди лондонлик мухлислар. Мана энди 4-ўрин «Арсенал» учун орзу.
Венгер кетиши хато бўлмагандир. Барибир клуб олдинга қадам ташлаши керак эди. Унинг мавқеида шубҳа қилиш хато бўлган.
Ҳозир Микель Артета қанча уринмасин мавсумни яхши тугата олмайди. Кейинги мавсумга база йиғиши керак. Унинг имтихони кейинги йил якунида бўлади.
«Арсенал» бугун турнир жадвалидаги бевосита рақобатчиси билан ўйнайди. «Ньюкасл» билан очколар тенг. Тўплар нисбати лондонликларда яхшироқ. Улар кучли ўнликка киришни мақсад қилишган, десам «Арсенал» мухлислари ранжимасин. Асли ҳақиқат ҳам шу.
Бирга кўрамиз.
Даврон Файзиев.