22 fevral kuni "Paxtakor" Rossiyaning eng sovrindor klubi "Spartak" bilan Moskvada o‘rtoqlik o‘yinida maydonga tushadi.
"Spartak" futbol klubi "Paxtakor"ga o‘rtoqlik uchrashuvi o‘tkazish yuzasidan chiqqan murojaatiga klubimiz rahbariyati tomonidan ijobiy javob qaytarildi va o‘rtoqlik bahsini tashkil etish yuzasidan kelishuvga erishildi.
Rossiyaning eng mashhur jamoasi sanalgan "Spartak" hozirga qadar 10 marta mamlakat chempioniga aylangan, 12 bor SSSR chempionatida g‘olib chiqqan. Mavsumning ikkinchi qismiga tayyorgarlik ko‘rayotgan Domeniko Tedesko shogirdlari bilan bellashuv O‘zbekiston superligasi o‘yinlarini boshlashdan avval va Chempionlar ligasining navbatdagi bahslariga hozirlik ko‘rishda jamoamizga asqotishi tabiiy. O‘z mamlakatlarining eng sovrindor klublari o‘rtasidagi to‘qnashuv o‘ziga xos intrigani keltirib chiqaradi.
O‘yin 22 fevral, shanba kuni Moskvadagi "Otkritiye Arena" stadionida Toshkent vaqti bilan soat 16:00da boshlanadi.