Angliya chempionatining 26-turidan o‘rin olgan so‘nggi uchrashuv bo‘lib o‘tdi. Turning markaziy bahsida «Chelsi» o‘z uyida «Manchester Yunayted»ni qabul qildi.

Birinchi bo‘lim so‘ngida Antoni Marsial hisobni ochishga muvaffaq bo‘ldi.

Ikkinchi bo‘limda esa hakam VAR yordamida "Chelsi"ning ikkita golini bekor qildi. Dastlab Kurt Zuma gol urgan vaziyatda Aspilikueta raqib jarima maydoni ichida himoyachiga nisbatan qo‘pollik ishlatildi, deb topilgan bo‘lsa, ikkinchi holatda Jiru ofsaydda qolgani uchun gol inobatga olinmadi.

Taym o‘rtalarida esa Xarri Maguayr "MYU"ning ikkinchi to‘pini raqib darvozasiga joylab qo‘ydi.

Ushbu g‘alabadan keyin "Manchester Yunayted" o‘z ochkolarini 38taga yetkazdi hamda Sulsher jamoasi 4-o‘rindagi "Chelsi"dan atigi 3 ochko ortda qolmoqda.

Angliya chempionati, 26-tur
Chelsi – Manchester Yunayted 0:2 (0:1, 0:1)
Gollar: 0:1 – 45 Marsyal, 0:2 – 66 Maguayr.
Chelsi – Kabalyero, Djeyms, Kristensen (Zuma, 46), Ryudiger, Aspilikueta, Kante (Maunt, 12), Jorjinyo, Kovachich, Pedro, Batshuayi (Jiru, 68), Villian.
Manchester Yunayted – De Xea, Bayi, Maguayr, Shou, Uan-Bissaka, Fred, Matich, Uilyams, Brunu Fernandesh (Diogu Dalot, 90), Jeyms (Pereyra, 80), Marsyal (Igalo, 90).
Ogohlantirishlar: Villian (35), Ryudiger (48), Fred (59), Zuma (59), Pedro (64), Uilyams (76), Uan-Bissaka (79).