Ushbu ruknimizdagi eng so‘nggi yangiliklar bilan tanishtirishda davom etamiz.
“Barselona” Meksikalikfutbolchi oladmi?
Ispaniyaning Marca nashri bergan xabarlarga ko‘ra, Kataloniyaning “Barselona” jamoasi “Vulverhempton” klubi hujumchisi Raul Ximenesni o‘z safiga qo‘shib olmoqchi.
Manbaning ma’lum qilishicha, futbolchi borasidagi muzokarlar yozda start oladi. “Bo‘rilar” o‘z hujumchisini 70 million yevrodan kamiga qo‘yib yubormoqchi emas.
Eslatib o‘tamiz, Raul “Vulvurhempton” jamoasi safida 83 ta o‘yinda maydonga tushgan. Uning xisobida 37 ta gol va 17 ta assist mavjud.
“Manchester Siti” “yulduzcha”ni kuzatmoqda
Angliyaning “Manchester Siti” futbol klubi skautlari ayni damda Chexiyada bo‘lib turibdi. TMW nashrining bergan ma’lumotlariga qaraganda, “shaxarliklar” “Sparta” va “Slovan” o‘rtasidagi uchrashuvni stadiondan kuzatishgan. Gap shundaki, “Sparta” safida to‘p surayotgan Adam Glojek “Siti” jamoasini nishonida turibdi. Ma’lumotlarga qaraganda, klub skautlari 17 yoshli hujumchining o‘yinlaridan qoniqish xosil qilgan va futbolchi yozda Manchester shaxriga ko‘chib o‘tadi.
Eslatib o‘tamiz, hujumchi allaqachon 29 tao‘yinda maydonga tushdi va o‘z xisobiga 6 ta gol yozib qo‘ydi.
“Benfika” futbolchisi 6 ta grand nigohida
Portugaliyaning “Benfika” klubi himoyachisi Ruben Diash yozda grand jamoalardan biriga o‘tadi. Bu haqida “Mirror” nashri ma’lumot tarqatmoqda.
Himoyachini qo‘lga kiritish uchun kurashga “Manchester Siti” jamoasi ham qo‘shilgan bo‘lib, “shaxarliklar” himoyachi uchun 80-100 million atrofida to‘lashga ham tayyor ekanliklarini ma’lum qilishgan.
Shuningdek, himoyachi bilan «Atletiko», «Yuventus», «PSJ», «Real Madrid» va «Manchester Yunayted» jamoalari ham qiziqmoqda.
Eslatib o‘tamiz, Diash Portugliya chempionatining 21 ta uchrashuvida maydonga tushdi va 1 ta gol kiritishga muvaffaq bo‘ldi.
“Real Madrid”ga “Siti” futbolchisi kerak
Madridning “Real” klubi “Manchester Siti” yarim himoyachisi Fil Fodenni o‘z tarkibiga qo‘shib oishni istamoqda.
“DonBalon” nashrining ma’lum qilishicha, “qirollik klubi” Fodenni Luka Modrichning o‘rnini egallashini tahmin qilmoqda. Shu sababli, “qaymoqranglilar” yarim himoyachini qo‘lga kiritish uchun “Manchester Siti”ga 80 million yevro taklif qilmoqchi.
Esaltib o‘tamiz, Foden ushbu mavsumda APLning atigi 11 ta uchrashuvidagina maydonga tushdi va 1 ta assistni amalga oshirdi.
Koutinyo qaysi klubga o‘tadi?
Ayni damda ijara asosida “Bavariya”da to‘p surayotgan “Barselona” futbolchisi yozda katta ehtimol bilan PSJ jamoasiga o‘tadi. Bu haqida “LeParisen” nashri ma’lum qilmoqda.
“Bavariya” braziliyalik futbolchining transfer huquqini sotib olishdan bosh tortgach, PSJ Koutinyoni Parijga olib kelish ishlarini boshlab yubordi. “Barselona” yarim himoyachi uchun 120 million yevro qo‘lga kiritishni istayotgan bo‘lsada, PSJ Koutinyoni 80 million evaziga qo‘lga kiritmoqchi.
